ألفت إمام تكشف حقيقة زواجها في السر

كشفت الفنانة ألفت إمام زواجها من قبل في السر، مشيرةً إلى أنه كان قرارًا اتخذته بالعقل أكثر من القلب.

وقالت ألفت إمام خلال حوارها مع الإعلامية سهير جودة ببرنامج الستات على قناة النهار: قررت اتجوز راجل متجوز وكان قرار من العقل طاغي عن القلب بشوية، عايزة احتواء وأفق متسع وثقافة واسعة، وتجاربه في الحياة أعمق وأكيد هيعلمني، والفلوس مكنتش حاجة فظيعة.

لتسألها سهير جودة، قائلةً: اتجوزتي راجل متجوز ومتعلنيش عشان تحافظي على بيته.. فيها مشقة؟

لتجيبها ألفت: مكنش فيه أي مشقة وحاجة هتسعدني وراجل عظيم ومحترم ومتدين وبيخاف ربه، ليه أخرب الدنيا؟ التوازن لما بيحصل والاتفاق بالرضا، فالدنيا لازم تمشي كده، إحنا مش هنحارب بعض.

وعن انفصالها قالت: انفصلنا بمشاكل رجعت تاني الشغل وحشني أوي، كان فيه إغراءات أنزل وأشتغل مسرح.

وشاركت ألفت إمام مؤخرًا في مسلسل كامل العدد بطولة الفنان شريف سلامة ودينا الشربيني، الذي نافس في موسم دراما رمضان 2023، ولعبت خلال أحداث المسلسل دور سيدة تدعى فاتن، وتكون جدة أبناء الفنان شريف سلامة.